ДИЈАБЕТЕС!
Запознајте го и превземете го вашето здравје во ваши раце
Превенција од дијабетес,едукација на пациентите со дијабетес но и на сите други граѓани кои се заинтересирани за намалување на ризикот од заболување од оваа се позастапена хронична незаразна болест.
Раното откривање и лекување на дијабетес може да го намали ризикот од развој на компликации од дијабетес.
Лекарскиот преглед е потребен и најмеродавен за навремено откривање и поставување на точна дијагноза
Со почитување на препораки од лекар и правилна терапија до нормален,активен,долг и квалитетен живот
Ризикот од дијабетес се зголемува со возраста особено кај луѓето кои голем дел од својот живот го поминуваат седечки и лицата со прекумерна тежина.
Промените во животните навики,регулирање на телесна тежина,редовна физичка активност,хигиена на спиење и здрава избалансирана исхрана се основа за подобро справување со дијабетесот.
Превземањето мерки за регулирање на стресот е добра стратегија за справување со дијабетесот
Глукометри
- За да знаеме дали успешно го регулираме дијабетесот и дали добро го спроведуваме лечењето, освен со лабораториски испитувања потребно е редовно да се следат вредностите на гликозата во крвта и во домашни услови ,со глукометар.
- Измерените вредности на гликоза во крвта се одличен водич за вас и вашиот лекар, прилагодување на животниот стил или терапија, па затоа е многу важно да се обезбеди нивната максимална точност.
- Системите за континуирано мерење на гликемии CGM(сензори) се одлично решение со кои се добива 24 часовен увид на нашите гликемии а со тоа и можност да донесете одлука за корекција на навиките и регулирање на состојбата. Се овозможува значително подобра гликемиска контрола,помал број на хипогликемии и помала глуко-варијабилност.
Одбрана исхрана
- Основните правила во лекувањето на дијабетесот подразбираат адекватна исхрана: свежа или храна која кратко термички се обработува (варење на пареа,барење,пржењето се избегнува) и се консумира свежо подготвена во во 5-6 помали оброци,најдобро приближно во исто време.
- Заболените со дијабетес особено мораат да водат сметка за внесот на скроб,односно сложени јаглени хидрати,држејки се до начелото дека лажица брашно е исто што и лажица шекер
- Исхраната богата со диетални влакна е составен дел од исхраната за лицата со намалена толеранција на гликоза или развиен облик на дијабетес.
- Во вашата исхрана користете храна која содржи изобилство на диетални влакна (целулозни растителни влакна), како што се мешунките, производите од цели зрна, зеленчукот, овошјето.
Прочитај повеќе
