Кремаста тава со пилешко и печурки

Време за припрема:  30 мин.     Порции:  4

Состојки:

• 2 парчиња пилешки стек
• 1/2 лажичка сол
• 1/2 лажичка мелен црн бибер
• малку брашно
• 3 лажици маслиново масло
• 1 пакување  500 гр. печурки, исечени
• 1-2 чешниња лук
• малку зачин мајчина душичка
• 3 лажици балсамико оцет
• 200 мл.  несолена пилешка супа
• 100 гр. крем сирење со мала маснотија
• 1 лажичка сенф

Постапка:

Исечете ги на пола (хоризонтално) парчињата пилешки стек и набрашнете ги. Зачинете со сол и бибер.

1. Загрејте го маслото во голема нелеплива тава на средно-јак оган. Додадете го пилешкото и гответе додека не порумени по 3 до 4 минути од секоја страна . Парчињата префрлете ги во чинија.
2. Вратете ја тавата на средно-јак оган. Додадете ги печурките и преостанатите 2 лажици масло,гответе додека не поруменат, околу 5 минути. Промешајте ги печурките, додадете лук и мајчина душица. Гответе мешајки, уште 2 до 3 минути.
3. Додадете балсамико оцет и  супа, да проврие а потоа додадете го крем сирењето да се стопи,сенфот и по потреба сол и бибер.
4. Вратете го пилешкото во тавата; намалете ја топлината на средно-ниска и гответе уште 1 до 2 минути. Украсете со дополнителни листови мајчина душица пред сервирање, по желба.

Нутриционистички факти (по порција)

• Калории  335
• Масти  16 гр.
• Јаглехидрати  17 гр.
• Протеини  30 гр.