Луѓето со дијабетес имаат трипати поголеми шанси да имаат проблеми со непцата и забите. Меѓутоа, доколку реагирате навреме, можно е да се зачува оралното здравје.
Ако имате дијабетес, имате и поголем ризик за гингивитис- рана фаза на заболување на непцата а подоцна и за пародонтопатија- напредна фаза на болест на непцата.Отечени непца, крварење или повлекување на непцата и лабави заби се знаци на заболување на непцата.
Покрај ова, пациентите со дијабетес имаат и намален имунски систем и намалена циркулација, што дополнително ги ослабнува непцата. Воспалителните процеси кои настануваат во пародонтопатијата, пак, го зголемуваат нивото на шеќер во крвта и со тоа ја намалуваат можноста за контрола на дијабетесот. Затоа пациентите со дијабетес мораат да имаат посебен мониторинг на пародонталниот статус кај својот стоматолог
Тоа е така бидејќи:
- Дијабетесот ве прави помалку отпорни на инфекции
- Луѓето со дијабетес имаат чести проблеми со сува уста
- Кариесот кај овие луѓе се развива многу побрзо и полесно
- Кај луѓето со дијабетес многу побавно зараснуваат раните ( вклучувајќи ги и раните од стоматолошките интервенции или вадење заб )
Бактериите кај лице со дијабетес не се разликуваат од луѓето без дијабетес. Разликата е во одговорот на телото на бактериите. Ако имате дијабетес, особено нерегулиран, можно е да имате почести воспалителни процеси, што може да резултира со губење на потпорното ткиво за вашите заби.
Постојат некои орални состојби кои се почести кај луѓето со дијабетес, како што е сува уста. Тоа може да биде резултат на стареење или поради користење на некои лекови , но може да биде и компликација на дијабетес. Без оглед на причината, недостатокот на плунка значи подолго задржување на бактериите во устата.
Ако добро го регулирате вашиот дијабетес и водите грижа за вашето орално здравје со редовни прегледи кај стоматолог, ќе го намалите ризикот.
Што можете да направите сега?
- Четкајте два пати на ден
- Користете четка со меки влакна. Цврстите влакна може да ја оштетат глеѓта на вашите заби.
- Мијте ги забите нежно и внимателно
- Често менувајте ја четката за заби
- Имајте контрола врз нивото на гликоза
- Користете конец еднаш дневно за да ги отстраните честичките од храната, што доведува до расипување на забите и заболување на непцата.
- Доколку е можно употребувајте интердентален уред. Малата четка е дизајнирана да допира до места што обичната четка не може.
- Посетувајте го вашиот стоматолог двапати годишно. Во зависност од здравјето на вашите непца, тој може да ви препорача посета и чистење на секои три месеци.
IZVOR > American diabetes Association – diabetes.org