Конзумирање на премногу шеќери влијае на вашата енергија, влијае врз вашиот цревен микробиом, имунолошки ситем, хормони, кожа и расположение.
Затоа започнете бар со ЕДНО од наведените работи во постот и видете дали вашите желби за шеќери (благо) исчезнуваат.
А понекогаш најдобро е да се промени се наеднаш и издржи на една, две недели за да го ресетирате организмот.
ЕВЕ ЗОШТО И КАКО:
1. Потребни ви се повеќе протеини наутро или при првиот оброк од денот
Кога конзумирате протеини се намалуваат хормоните на глад и се ослободуваат хормони за ситост како што се GLP-1 и PYY.
Овие хормони прават да се чувствувате сити подолго време и ја намалуваат желбата за јадење, особено слатката храна.
Затоа, важно е наутро или кога и да го прекинувате вашиот пост да конзумирате доволно протеини.
Се препорачува околу 20-30 грама при овој оброк.
Добри, лесни додатоци на протеини се семињата, јатките, јогуртот или кефир, јајца.
2. Дисбаланс на микробиомот во вашите црева
Овој дисбаланс на микроорганизмите во вашите црева може да предизвика желба за шеќери. Односно кога лошите бактерии преовладуваат во вашите црева и ги истиснуваат добрите бактерии доаѓа до појава на овие желби за шеќери.
И бидејќи храна за бактериите се шеќерите ова претставува еден зачаран круг.
Затоа фокусирајте се на здравјето на вашиот микробиом преку јадење на разновидна храна, храна богата со полифеноли, ферментирана храна.
3. Не јадете доволно
Диети каде има рестикција на одредена храна или нивна елиминација од исхраната води до калориски дефецит.
Овој калориски дефецит придонесува за губење килограми и изгледа привлечно, но е контра продуктивен.
Што значи ова?
Не јадењето доволно калории предизвикува хормонски дисбаланс пособено кај хормоните за глад кои предизвикуваат да имате потреба за благо и тоа најмногу во приквечерните часови.
Совет: Наместо рекстрикции на одредена храна или нивна елиминација фокусирајте се на конзумирање ЦЕЛА непроцесирана храна.
4. Ви недостигаат некои хранливи нутриенти
Не јадење доволно хранливи нутриенти како и минерален дефецит може да доведе до потреба од шеќери (благо).
Како на пример недостаток на цинк, магнезиум, железо, хром го прави тоа.
Пособено се случува при недостаток на магнезиум бидејќи тој е потребен за продукција на инсулин и регулација на шеќерот во крвта.
Затоа гледајте да конзумирате храна богата со магнезиум како семки од тиква, јатки, мешунки, авокадо, спанаќ, црно чоколадо итн.
5. Секогаш сте под стрес
Хроничниот стрес може да ја зголеми вашата желба за шеќери и тоа на три начина.
Прво емоционалниот стрес често доведува до емоционално прејадување и пособено јадење на слатка храна.Второ, хроничниот стрес го исцрпува вашето тело од хранливите резерви, а пак тоа доведува до потреба од шеќери.
И трето, стресот негативно влијае врз вашиот цревен микробиом кој потоа потикнува циклус на желба за шеќери.
Совет: Најдете начин да се справите со стресот, дали преку некоја физичка активност или социјализација, медитација итн
6. Користење на вештачки засладувачи
Вештачките засладувачи и покрај тоа што биле измислени како ниско калорична алтернатива за шеќер, се докажало дека при нивна конзумација желбата за шеќер останува, па дури и се зголемува потребата да се јаде повеќе. Затоа се препорачува да се избегнуваат (сукралоза, ацесулфам К и сахарин).
Подобро е дури и да се конзумира вистински шеќер наспроти нив или пак природни засладувачи како стевија или монашко (монк) овошје.
7. Јадете премногу шеќери
Едноставно кажано, јадењето шеќери ве тера да јадете повеќе шеќери односно претставува еден зачаран круг.
Односно, кога јадете прости (процесирани) јаглехидрати како брашно, снегулки, колачи и сл., шеќерот во вашиот ктвоток влегува многу брзо, што доведува до брз скок проследен со брз пад на глукозата во крвта. Ова предизвикува чуство на замор кај вас, а со тоа и желба за шеќери за да ве подигне.
За да го спречите ова треба да јадете ЦЕЛА непроцесирана храна која е богата со диететски влакна и протеини.
На пример: наместо само тост, додајте зеленчук, јатки, семиња…ИЛИ наместо само овошје додајте путер од кикирики или јатки итн.
Нутриционист Вероника Минов