Кога се размислува кој сензор да се користи, треба да се земат предвид неколку клучни аспекти:
Трошоци: Важно е секогаш да се провери достапноста на сензорите во нашата земја а цената на сензорите може да биде доста висока.
Ограничувања според возраст: Некои сензори се одобрени за употреба само кај возрасни, додека други може да се користат и кај деца на одредена возраст. . (Libre од 4 години, Dexcom од 2 години, Guardian од 8 години, Eversense од 18 години) Меѓутоа, ако придобивките значително ги надминуваат ризиците, овие сензори се користат и кај помалите деца со дијабетес.
Затворен систем: Ако размислувате за затворен систем за испорака на инсулин , проверете дали сензорот што ќе го изберете е компатибилен со системот кој ве интересира.
Алергии: ако сте алергични на лепилото што се користи во лепенката на сензорот, можеби ќе треба да се префрлите на друга марка.
Поставки за аларм: Сите сензори доаѓаат со прилагодливи аларми за високи и ниски гликемии. Се препорачува да се активира нискиот аларм, вообичаено поставен 3,9 mmol/l или 3,5 mmol/l за бремени жени. За да се избегне заморот од алармот, високиот аларм обично се деактивира првично, но може постепено да се прилагодува врз основа на вашите потреби. Некои сензори нудат напредни функции за аларм како што се предвидливи аларми, функции за одложување и приспособливи тонови на аларм. Сепак, од значење е да поставите само аларми што ќе ве поттикнат да преземете акција во спротивно, ризикувате да станете десензибилни кон нив со текот на времето.
Опции за споделување податоци: Иако не сите сензори имаат можности за споделување податоци, повеќето од нив им дозволуваат на корисниците да ги споделат своите податоци од сензорот со семејството и старателите. Оваа карактеристика има значајна вредност во различни животни ситуации. За родителите и старателите, таа нуди сигурност и мир , особено ако детето е надвор или во училница, бидејќи тие можат да останат поврзани и информирани а на младите им ја даваат посакуваната независност. Споделувањето податоци е и како клучна безбедносна мрежа за поединци кои живеат сами или работат во опкружувања во тешки услови. Дополнително, постарите возрасни имаат корист од поддршката на нивните најблиски преку споделување податоци, со тоа обезбедување на нивната благосостојба и помагање да се ублажат потенцијалните здравствени ризици.
Пливање и туширање: сензорите обично се отпорни на вода, што значи дека можете да ги носите додека се туширате или пливате. Сепак, носењето сензор во топла бања, џакузи или додека нуркате, генерално не се препорачува.
Процедури при медицински испитувања : Секогаш отстранувајте го сензорот пред да се подложите на какви било процедури за медицински испитувања. Меѓутоа, во некои околности, сензорите може да се остават за време на процедурите за рендген, ако се заштитени со оловна престилка. При КТ скенови, сензорите често може да останат на место, но секогаш треба да извршите контролно мерење со глукомер потоа, за да се осигурате дека сензорот сè уште работи правилно. За магнетна резонанца, сензорите мора да се отстранат поради потенцијалот за изгореници.
Патување со авион: Кога летате, не заборавајте да понесете сопствен сертификат како доказ дека ви е потребна оваа технологија за управување со дијабетесот. За безбедносните контроли на аеродромите, генерално се препорачува да се избегнува носење на сензорите под скенери за целото тело и наместо тоа да се побара алтернативен тип на скрининг. Персоналот за безбедносен скрининг на големите аеродроми треба да може да ги препознае повеќето типови на сензори бидејќи тие станаа вообичаени. Побарајте претпоставен ако имате непријатности во врска со носењето на вашиот сензор. Детекторите за метал на аеродромите не претставуваат проблем за сензорите за гликоза. Носете ги сензорите во рачниот багаж и не заборавете да ги поминете низ детекторот за метал, а не преку скенерот за багаж (Рентген). Носете ги сензорите во рачниот багаж бидејќи постои ризик да се замрзнат во багажниот простор, што може да ги оштети.